la Stria ignurant

 

                                                                     

ghé turnà i fantasm da dua 'n partì

sa cucian tranquìi sensa culpa né rimorsu

la so natura l'é chesta parol sensa sensu silensi pesanti

ogni furma la và e la vegnn

la sa furma e la sa disfa 'n d'una nebia grisa

e cuma un spegiu rutu ma rimanda figur disfà e nebius

mé 'nà Stria ignurant ca la sa nò se fa

menu mal ca la noci l'è finì

la furma di sentiment

                                                                        

scrìi dipingi sunà hin strumenti

l'é daghi furma ai sentimenti

e alura scrìi 'l diventa furma

un sentimentu 'l diventa c'hal vedan tuti cumé ta lé vistu tì

la furma l'é c'hela che te ghe dà ti

te d'hai vita a 'na sensasiun

lé minga roba da pochu

al sarà nò 'n scrìi ciar e netu 'na lingua eleganti e presiusa

'n dua ghe verta la porta 'l ria

la puesia pusé bela

 

                                                                                     

la puesia pusé bela la voeur nò ves legiù

la puesia pusé bela l'é un penser

la puesia pusé bela l'é scrita nò

la puesia pusé bela l'é chela sensasiun ca sa ries no a scrìi

u scritu una altra roba

la puesia pusé bela la resta denn

la voeur no vess tucàa

sa riesu a tucala diventu un Pueta

ricordi da nien

                                                                            

fra atim da vita e 'l nien pensandu a ti

e rivivi ul ricordu l'è pusé bel

a 'l vegn cumpletàa te ghe dé pusè valur

dul nien sa tira fooeura atim da vita

pusé bei anmò in mesu al voeui da la me esistensa

Castan da sera bela cumé Paris

'l vial da la stasiun in tuta la so belesa  

l'acqua ca la fiada pasandu suta al punti di nos tuffi

l'acqua da la funtanela ca la murmura 'l sò invitu a bee

dree 'l canal caminandu cun ul gomitu to  tucà  una teta

ricordi ca ta fan ristà giuin

mumenti d'or

man da fioeu

                                                                       

man da fioeu ca fa i balun

man pisciniti ca fa i scarpi

man  da fioeu ca cerca la carità

man da fioeu ca roba

man ca cerca la carità

man  ca vuraria giugà

man ca inveci dean sparà

g'ann rutu la matita pa disignà

acqua eterna

                                                                     

noci muti

dìì ca finiva poeu

freschi bagn 'n dul Tisin

acqua ca rigenera acqua eterna

mi ca ma bagnu
'n da la vita du l'acqua som pari a zeru

ma ma tuca i noci lunghi e i dìì ca finisan poeu

al cunfruntu da l'acqua a inn nien ma in mé da purtà inans

un  dìì a la voeulta

ul me Rusari

ul mé vivi

oltar tempi.

                                                          

Ma ragordu oltar tempi

la prima acqua viscì

i prim sauneti

la prima banana

la prima uga americana

la prima brilantina

i donn cun la caviglia bindà

i primm cascié pa 'l mal da co

i leter pa 'n dà a militar

i Santin ca ta dean in premiu sa ta 'n dei all 'Uratori

i mercanti ca vignea in ca a vendi Ermenegildo Zegna

la Madona ca la girea una sira par curti

e la ciamean Madona Vagabunda

i sir a fa i stachi a mila par voeulta