Prima s'andea al Circual, in di sir
da nuvembar magari al Circual a ghea un taul dul dù, poeu l'ea la sedi dul Motoclub, dul
PSI,e du l'Avis. Un postu da andà el ghea. Peuo gh'ea di
gestur che an fai la storia. Ma rigordu Munsciur, ca la fai la
storia dul Paes, e Aldo Lessi, un ursetu, quan 'l gea lù i pocu
da bun girean a la larga. Chisà ma l'ea cuntentu ades a vidè
la so tusa ma la sa dà da fa. L'u vista dumeniga presentà
ul coro Gospel, e là parla propi ben lea vignu mei che la
sindaca che la sea preparà ul compitin da legi, poeu la 'ndà a
cantaà cul 'l coro,poeu la parlaà anmò. Al dì dopu la
urganizaà i asuciasiun da buscaà par fa una pesca da
beneficensa a favor di Sardagnoeu per l'inundasiun. Una coumisiun
Urbanistica ca la tegnù ul balin. Brava propi brava. Però ul
circual el ghè pù. E alura, per stasira vegnum su al Counsili
Coumùnal.
Subit una surpresa: Mariu Calun, ca
lea ciapà ul postu dul Mascasin, dopu una una riuniun la daa i
dimisiuin, Omar Baroza la rinuncià e alura ghe diventaà
Counsiglier Claudio Noè, e ades a inn tri da la Lega e cinq dul
PDL e ga vouer vide chi cinq lì da cusa inn, NCD o FI. Par
fa i cunti : la Magiuransa a in du o tri grupp, la Minuransa
un grupp sa troean mai, quel'alter a l'è vun sul, con tri o
quater iscritt, sensa sedi. Sem cuscia pai fest.
L'Asesur al bilanciu al sa lamenta
che la Pulisia Lucal la rendi no, ai semafur in tuc bravi, e sul
retilineu a superen mai la velucità. Se inveci, disi mì, ia
ferman e cuntrolan i fum, s'an fai la revisiun e gha fan lasa lì
la machina,magari le mei. Cunfermà il finansament par l'asili
di Suor. 38.000 €. Menu mal !! Una istitusiun dul paes l'è
salva. Una istitusiun che la gà 110 ann. Ul Counsili 'l
finiss cun tri interugasiun dul Batiò, che à in utiil per ul
funsiunamentu dul Counsili ma senza pes pulitich.
A un'altra volta.
