la furma di sentiment

                                                                        

scrìi dipingi sunà hin strumenti

l'é daghi furma ai sentimenti

e alura scrìi 'l diventa furma

un sentimentu 'l diventa c'hal vedan tuti cumé ta lé vistu tì

la furma l'é c'hela che te ghe dà ti

te d'hai vita a 'na sensasiun

lé minga roba da pochu

al sarà nò 'n scrìi ciar e netu 'na lingua eleganti e presiusa

'n dua ghe verta la porta 'l ria

la puesia pusé bela

 

                                                                                     

la puesia pusé bela la voeur nò ves legiù

la puesia pusé bela l'é un penser

la puesia pusé bela l'é scrita nò

la puesia pusé bela l'é chela sensasiun ca sa ries no a scrìi

u scritu una altra roba

la puesia pusé bela la resta denn

la voeur no vess tucàa

sa riesu a tucala diventu un Pueta

ricordi da nien

                                                                            

fra atim da vita e 'l nien pensandu a ti

e rivivi ul ricordu l'è pusé bel

a 'l vegn cumpletàa te ghe dé pusè valur

dul nien sa tira fooeura atim da vita

pusé bei anmò in mesu al voeui da la me esistensa

Castan da sera bela cumé Paris

'l vial da la stasiun in tuta la so belesa  

l'acqua ca la fiada pasandu suta al punti di nos tuffi

l'acqua da la funtanela ca la murmura 'l sò invitu a bee

dree 'l canal caminandu cun ul gomitu to  tucà  una teta

ricordi ca ta fan ristà giuin

mumenti d'or

man da fioeu

                                                                       

man da fioeu ca fa i balun

man pisciniti ca fa i scarpi

man  da fioeu ca cerca la carità

man da fioeu ca roba

man ca cerca la carità

man  ca vuraria giugà

man ca inveci dean sparà

g'ann rutu la matita pa disignà

acqua eterna

                                                                     

noci muti

dìì ca finiva poeu

freschi bagn 'n dul Tisin

acqua ca rigenera acqua eterna

mi ca ma bagnu
'n da la vita du l'acqua som pari a zeru

ma ma tuca i noci lunghi e i dìì ca finisan poeu

al cunfruntu da l'acqua a inn nien ma in mé da purtà inans

un  dìì a la voeulta

ul me Rusari

ul mé vivi

oltar tempi.

                                                          

Ma ragordu oltar tempi

la prima acqua viscì

i prim sauneti

la prima banana

la prima uga americana

la prima brilantina

i donn cun la caviglia bindà

i primm cascié pa 'l mal da co

i leter pa 'n dà a militar

i Santin ca ta dean in premiu sa ta 'n dei all 'Uratori

i mercanti ca vignea in ca a vendi Ermenegildo Zegna

la Madona ca la girea una sira par curti

e la ciamean Madona Vagabunda

i sir a fa i stachi a mila par voeulta

la miseria lé cara

                                                                 

Mantignì la miseria l'è car

ga da ves una burocrazia ca funsiona ben e bela grosa

pà mantignì la miseria ga voeur tignila bona

daghi 'na speransa pà tignila quieta

a in in tanti sa sa mai

una bona sinistra la tegnn quieta

'na qui manifestasiun pà fai vusà fra da lur

un qui cuncertu in piasa ogni tant

luntan però ca disturban nun ca laurum

ma la bona sinistra l'è cara

un apparaa da tigni in pè

gan voeur da danèe

ma la miseria la va silensiaa

la ga voeur ma la va tignùu luntan

a loeur ga pias nò ves puariti

ma la nascita l'è quela

comunque ga voeur cuntrulala e mei da la sinistra a ghe nisun

coeume can pastur

libar da cur inansi e indrèe scultandu i fischi

par vivi tuci cuntenti

ricordi culuràa

                                                                  

pà fa bela la vita

ga voeur culurà i dì gris

prufumà i erbi e l'udur di tusann

vervi la finestra di ricordi ca sa spintunan d'adré da mi

'na finestra iluminà ca sa spegia 'n dul canal

la prucesiun cui tusann vistì da biancu

corgias ca le dumeniga e 'ndà inansi a durmì

legi ul giurnal 'n matina al taulin in piasa

l'udurn da l'acqua 'n dul canal

partì 'na matina in barca da par mì

butàa via

 

                                                                             

quanti Lun

quanti sogn fa nòo

quantu tempu girà 'l cuntrari

quanti dì ligà a la noci

quanta vita butà via

me Mama

                                                                       

La mama la laura a maia

puntu per puntu cun pazienza

in facia una cuntentesa

in sui so ferr piegà

la pendula in cusina cul so tic-tac l'acumpagna

fra pocu il tic,tac la finì d'andà

el tira dentu cun lu un mundu fatà.

la dona del busc

Il  dialetto  della  mia  infanzia :Il  Milanese.

                                                      

Entrand in del busch

la sera sgrafignada

e un cicin de sang

cun el su el brilava

La g'aveva la sutana

un po' smagiada

e un gulfin de lana

culur marmelada

I gamb senza calzett

con la pel abrunzada

i pee cun i calcagn

bianc de bugada

Una burseta de pell

tuta strasciada

i spall un po' curv

la testa dispetenada

Pasand in mezz al busch

el su la smagiava

de ciar de scur de giald

la culurava

In mes ai erb fra i brocch

la caminava

sensa giras in dree

cun la testa piegada

e dopu un po' sem rivà

la se fermada

a ghemm de fala in pé

ghe l'erba bagnada

Quan go vist i occ

lé sta una masada

occ frecc e catii

d'una disperada

ricordi perdù

                                                                  

sa vivi da ricordi perdù

ca sa ries nò a ciapà

ca voeulan 'n dul buscu

il bei in bruti 'n vulà

mei iscì i ha pensu a vunn a vunn ma voeuru

secunda ul mumentu ca troeuvu

inscì i rimpianti hin meno amar

un quadratin de veder

                                                                         

In de la me ufficina se ved el cel

però el sa ved dumà quan ca lè seren

un quadratin de veder l'è mancant

ga bufa giò un p'o d'aria ma fa nient

Ma podi guardà fora e andà cun la ment

in due ca go voia cumudament

Un quadratin de veder urlà de spurch

un cicinin de seren un tuchelin de mund

i don ferm'in piasa a ciciarà

cun la bicicleta e la spesa per fa da mangià

ma podi guardà fora e andà cun la ment

i due ma vegn voia cumudament

parol di ier

                                                              

mai saù

nanca suspetà

i tanti parol ca gheu denn

parol sintì ma no imparàa

tignù a menti cuma 'na roba truàa e mitù via par un duman

se i a tiru foeura ades varan anmò

sa varan poeu mi i a fò varé anmò

e i parol diventan giuin e varan anmò

ul Can al buia

 

                                                                   

un Can 'l buia un fioeu al piangi

i ultam ragi dul So guardan indrée

guardé guardé ugnun 'l so santé

So fregiu ca 'l va 'n da la noci

lunga mé un bus lungu e sensa fin

e la vita mé 'na copia

sensa idei sensa vuluntà

mangià dì par dì da 'na voeuia ca so nò sa lé

Ricordando 5Agosto

I ricordi cominciano nel buio della sera

il buio del silenzio di quelle notti

attento ad ogni rumore

al motore di una macchina che passa sulla provinciale

ad un aereo nel cielo

a Toni che zampetta sulle assi della baracca sul perimetro verso la cava

le grasse donne che raccontano le storie

la stufa che rugge

la pentola che borbotta

la Moka che spara il suo crescendo

il profumo che riempie la baracca svegliando le donne assopite come fresca brezza

Toni gratta la porta

qualcuno apre

dal gran buio entra il cane giallo

con fare da padrone attraversa lo stanzone

stanchissimo si sdraia sulla soglia della porta del Bar

un Angiarin

                                                                         

Cume te suridi ai pra

fiuin che te pari un Angiarin

te credi che ul  Mundu

a le un giogu

I fati di castii

I fatin celesti

i fati rumpiball

e Pinocchi con la voia

d'un legn sempar verdi

L'usignò prufundo che te se

che te buti via

ul lasas andà di grandi parol

Però sa dis che luntan

la fatina scundu

la suta murmurà

i tò man

 

                                                                  

ma tegnu i tò man ca te me lasi

magar e nervus ca mà parlan

desendu ch'el ca sa poeu nò dì

cun i silensi pesanti

robi dì nò ma dur me i sass

ma tegnu denn di robi ca sa poeu nò dì

ma tuca tignìi denn

sensu da strangulamentu

da desideri cà sa poeu nò dì