Magii de Parì

                                                                  

Al Parc Montsour

a Parì in dul tredicesim

camina un vegiu silensius

i tò pulmunn 'n da butà

g'ha dì ul dutur

ul vegiu sa ferma e 'l ridi

'l spua i pulmun in tera

poeu 'l sa sbasa e i a tira su e i a buta in dul cestin

ecù tutt a postu

ma a l'impruvis i pulmun vegnan foeura e sa metan a balà

ridendu me i mati a crepappel

i van in dul vegiu e ga dann  'na sigareta

fuma fuma ca ta fa ben

grasie

figuras

scundu fra i roeus

ul gubetu de Rue Quincampax

l'ha vistu tucoss e 'l guarda ul vegiu 'ndà via

ul vegiu l'è Jaques Prévert

e anmò incoeu

con ul coeu pien da puesia

'l vedu caminà sensa fas vidé

in mesu ai sogn de Parì

in mesu ai so magii

SIMONE M.