Mama special

                                                                                 

un'orasiun pàr ti Mama d'un  fioeu special

ti ca ta dormi nò ma fa nien

ripagà da un suris

bandunàa dal Signur

ca ta troeui den da ti la forsa da 'ndà inansi

nisun po' spiegàa la to forsa

Mama bandunàa

Amen.

noci nera

                                                                    

lunghi noci ca pasa poeu

sensa sognn

un durmì pesanti

voeui

ca ta portan in dìi sempar istess

e un atim l'é noci

nera e lunga

sognn brusàa

 

                                                                               

i sognn ma brusan in dul còo

cercu da sufucai cul bée

e vù inansi a bée

finn cuan ca turna ul sognn pusé brutu

c'al fàa mal e sum denn in mesu

vù inansi a bée e sum denn in d'un tunnel strenciu ca deu fàa

pusée ca beu pusée 'l dienta strenciu

su nò sa sum svegliu o sa l'é un sognn

pulaster in fricassea

                                                                              

fa  a  tochi un  bel  pulaster  gross, infarinìi  e  fai  rusulàa  cun mesa  scigula  a  tuchiti, bagni  cun un casù  de  brod  e  fai  coeus  2  oeur  tignendu sempar  bagnàa, a  cutura  ultimàa gàada  restàa  un  poeu  da  liquid.  Frulàa  du  russ  d'oeu  cun ul  sugu  d'un  limun   e  un  cugiàa  da presemul  triàa  e  mischi  al  sugu  in padela  sensa  fai  buìi
Fa  ripusàa  5  minut  e  servis

ul me paes

                                                                      

ul mé paes à lé quasi 'na città

a ghe i vigil e i spasitt

buteguni e sel servis

risturanti e piserìi

café bar e traturìi

cun denn tan da camerer

des ur al dì

par tuci i dìi

ul me paes a ven tuci a la giurnàa

e a sira ven a càa ghen anmò unn cuiscoss da fa

l'é mò l'erba pai Cunili

o 'l maagun da rigulsà

rapiantà 'l basili

o 'l buscin da fa tità

des ur al dì

par tuci i dìi

al me paes 'n fai su quas tuci la càa

poeu in cantina in 'dai a stàa

la cà noeua pa nun sfrisàa

i so fioeu ca va studià

sa vargugnan da veghi un Pà

nanca bun da parlàa taglian bun dumà da lauràa+

des ur al dìi

par tuci i dìi

'n dul bun e 'n dul gram

l'é ul me paes da mi

sun vignù grandi chinscì 'l me mundu l'é ques chì

chi ù giuga a robasasen

chi ù rubàa 'l primm basen

ù truàa i me amis ca dess gan i barbis

chinscì i me dìi vuraria finì

Una  cosa  di  50  fa.

La  canzone  è  musicata. 

buscateblog

buscateblog  se  la  tira, sei  anni  di  voce  libera,  contro  tutte  le  porcherie, in prima  fila per la  Democrazia, la  gente  lo ferma per strada per  fargli i   complimenti.  Sta  attento  che  qualcuno  ti  fermerà  non  per  farti    complimenti.  buscateblog, campione  di  democrazia,  non accetta  pareri diversi  dai  suoi  e  li   cestina,  non li vuole  neanche  sentire.  Bravo !  Veramente  bravo ! A fare in  piccolo   dittatore   non  vai molto  lontano, e  quando, bevendo  il caffè (  che  qualcuno  ti  avrà pagato  ) qualcuno  ti  dirà  quello  che  pensa tu,  non essendo abituato  a un dibattito,  sarai in braghe  di   tela.  Rispolvera  qualche libro:  di  Adolf  Hitler, di Francisco  Franco,  di un  Romano,  e  vedi  come  devi  comportarti.
  Ti auguro  Buon Natale, pensando a  quello  che  avresti  potuto  essere.  Ciao.

ogi da chi viagia

                                                                       

ma pias guardà i ogi da chi cà viagià

cercandu i me desideri

guardu la me umbra e la odi

man a man ca pasa i dìì ma acorgiu ca in nò istess

ma rendu cuntu ca 'l viagiu son drée fal mi

l'é nò bel ma 'l dipendi da mi

gù da guardà pusé ben e fa dientà 'l viagiu pusé interesanti

basura da nien

                                                                  

'na basura da nien

cuntandu i Beer di me penser

ca curan me Rati

dopu 'l bagnn 'n dul mastell giò in stala

sira grasa

                                                                          

'nà sira

nigà 'n d'una nebia grasa

'n d'una lus fregia e impastàa

penser cà svanis

parean bei e poeu g'hin poeu

e i donn ca pensu a hin sempar grass

i donn grass ma piasan nò

ma 'n d'una sira da nebia sa ciapa tucoss

anca donn sensa culur

salsa gialda

                                                                          

frulà  du  russ  d'oeu, una  punta   da  farina  vuna  da   sucher   e  'l  soeugu  da   dù  limun.  Un  caoeusù  da  broeudu  a  fai  scaldà sul  foeugu  sensa  buì.
Metela  un una  bacinela  e  droeuala per i  less.

ul bacan dul silensi

 

                                                                 

silensi da Grìi ca canta

da Can ca buia luntan

da Piun ca piuna suta i cupi

l'eu mai scultàa 'l silensi

l'é no cume scultà nien

dopu un po' 'l parla

rasunamenti dul silensi

Buscu d'Utubar

 

                                                                    

                                                                      

a la matina d'utubar ul buscu ga voeur videl

quandun ga ria 'l ciar pian pianin cuma 'l fa sempar

se vedi prima 'l fil d'erba cui gutt da rusàa

poeu i spin ruedi in gir al buscu cui ragner e i Mor

poeu den dul buscu i negar dientan marun

i marun russ

i russ giald

i gris verdi

e 'l sa vistis da la festa

i ragner dientan d'argentu e i Ragn d' Or

'l buscu al fàa festa

tra i fil d'erba e i ram vigi dul buscu

un Pé da Pula superbu 'l guarda giò

'nà Luserta la curr su i fraschi morti

a circhai i prim Ciuditi

cume 'na Farfala 'na foeuia la vula giò

pusé voltu da tuci un Pin negar al tegnn su 'l buscu

nà Rugura la tegnn anmò tuci i so foeui

noci cunsumàa

                                                                              

la noci la brusa sensa fumm sensa fiamm sensa culur

la sa cunsuma sensa lasà segnn

un tuchelin de vita cà la và la spariss

sa sucedi nien la sa perdi 'n da la fila

quanti ga né anmò nisun la sa né 'l po' sael

bumbardament

                                                                      

vignì giò vignì giò

el vusea 'l capucà

da la curti giò in bass

ma nun su la secunda ringhera guardeum su in ciel

quater aerei gris vignean da porta Volta e 'ndea versu Bress

di baluniti scupean in gir ai quater ca vulea

vigni giò vignì giò sa sintia la vus

ma nun cui man tacà a la ringhera

seum su anca noeun in ciel a butàa giò i ingles

intanta i balunit sa vervean in gir ai bumbardier ingles ma ga fean nien

vignì giò vignì giò

des ga rivea giò i schegi da la cuntraerea

'l capucàa l'ea burlàa giò

e visin al so cò sa videa un po' da sangui su i piastrei da la curti

som scapàa da cursa in cantina

e ma som mitù schiscià tra una dona grasa ca la sea da sudur

e 'l mur da cimentu c'al sea da cantina

'n quel Utubar dul '43 can bumbardà ca mia

880 dì

                                                                           

a centu a centu su i campi da Buscàa

dua gha dormi cui che vignù vigi a ghin poeu

ricurdem genti i loti fai

i 880 dì a curàa un cancel

ricurdem genti i noci

al fregiu 'l coldu l'acqua la née la nebia ul so

'l durmì no ul ridi tristi a mesa buca

la paura ca ta purtei drée me nà Scimia

guardandu giò

 

                                                                              

qui sabu basura

guardandu da la me finestra in bagn 'n dul giardin da l'usteria

sa videa i omm giugà ai bogi

'n da la piaseta visin i fioeu grandi

vistì da avanguardisti imparean a marcià

cumandàa da un omm cul fez da fascista

in quel'estàa dul '43 al sabu l'é mai piuoeu

da la mé finestra videu tucoss

giò in cantina

                                                                      

una stràa pusé in là ogni tan sa sintia pasàa un tram

'lm fea un coldu bestia

l'unicu postu da stàa l'ea sutu 'l purtun spetandu un po' d'aria

sperandun ca sunea nò l'alarmi

da 'ndàa a finìi in cantina vun su l'ol cume besti

e la paura

i sachi da sabia su i finestar spustàa da i bumbi cancelean ul coldu

i donn vusean i fioeu piangean

un qui vun sa caghea adoss gent ca vumitea

schisciàa den 'n dun lucal pìin ras

ta sintìi da ves drèe murìi

pulpett de verza

                                                                   

macinàa  4  eti  da  Rost  vansàa,  50 gr.  da  salam  crùu,  dù  cugiàa  da  furmagg  gratàa,  un  cugiàa  da pan  gratàa, un cugiàa  da presemul  triaa,  un  oeu,  sa.

lavàa  e  scutàa 'n  da  l'acqua  buient  i foeui  da  versa, scartandu  i  cistochi,  distendi  su  un taul  e  meti una palotula  da  ripien.  sari  sù cun  un stecu   o lighi  cun un  fil  cuma  fean  i nos  Nonn.
fa  rusulàa  'na  scigula  'n  dul  buter,  scarta la  scigula  e  meti  un cuì  dadu  da  pansceta, fai  cueus  a  fueugu  voltu i  vers pà  rusulai  da tut'e  do  i part, poeu   bagni  cul  vin  bianc  e  fai  sugàa  pian pian.
servìi  cun ris  in  cagnun.



Una  butiglia  a test  da  Ghemm  russ  da  du  ann, l'é  la  morti sua.