ul me Tisin

                                                                      

Ul me Tisin

cun i gir d'acqua dul Marinun cuan ca 'l va den in 'n dul Tisin

ul me Tisin di lanchi cui Tenchi

suta l'erba spessa

ul me Tisin di rivi cui Runcas e i Niscoeur

ca guardan 'n da l'acqua ei Trutei suta ai radis

ul me Tisin cun l'aria ferma da la sira

e Rundan ca vula a fil d'acqua gulus da sansar

ul me Tisin cul fundu fai da sass

ul me Tisin cun la diga da sass fai dopu ogni piena

ul me Tisin cui surgenti d'acqua fresca

ul me Tisin cui Niscoeur i Castegn i Nus e i Zizurliti

ul me Tisin cun l'acqua sempar istess

'na fira da guti o fiochi vignu dul ciel

acqua santa

acqua ca cambia culur

la belesa du l'acqua

acqua ca cur

acqua eterna

ul me Tisin