ul me Tisin

                                                                                                      

un fium de acqua ciara

cul fundu da sass

ca a guardal giò dal punti

man a man ca 'l se luntana el se culura de celest

su i so rivi

in di gir d'acqua sa furma di lanchi

cul fundu fai d'erb

in dua ghè i Tinchi

sui  spundi i Niscoeul e i Runcas

guardan den scundendu tra i so radis

i Trutei

L'acqua girandu gurgugliandu la par ul rumur da la Limunada

in dul bicer

i pisin nuan cuntr'acqua 'n da la curenti ca canta

in mesu ai sass

su l'erba Meriga ca la spunta su i riv  dua  ghe la sabia

i Sciur sa pogian a ripusa

un'acqua eterna

la curea ca seu un fioeu e la cur ades ca som grandi

sempar ciara

sempar canterina

di  Usii bianchi ca vegn dul mar van inansi indree sul fil da l'acqua

bianchi e  svelti

ogni tan una Bisa la riga ul spegiu da l'acqua morta cun ul cò pena foeura

i Temul ghin pù

e nanca i gamber gris ca sa truava pena suta la sabia di Lanchi

dal buscu ga ria di righi d'acqua di surgenti

un Mundu bel

speru da cunserval p'a 'l me Naudu