MIRA IL TUO POPOLO

                                                                        

Quan ghea la Prucesiun a la sira

dopu 'l coldu da la giurnaa

i porti trunfanti fa cui ram da laur intresaa

ligaa a ram da Saras intresaa

volt asee da fa pasaa la Madona

e ul prufum da Rosa

e i tusaneti ca butean i petal da la Rosa

a vervi la Prucesuiun da la Madona

vistì  da celesti la Madona

da biancu i tusaneti sità danansi in mesu a cesti tucc da Rosa

l'ea precedu da 'l Praostu cul bastun dul cumandu

in mesu ai priti visti da cerigu

cun vun danansi a fa 'ndà ul Taribal

dinansi a tuci la Scoeura

tucc cui barbis visti da biancu e russ ca la virvea

la prucesiun dul mes da Mag la Madona

in dul silensi dul paes un cantu 'l sa valsea

MIRA IL TUO POPOLO O BELLA SIGNORA

CHE PIEN DI GIUBILO OGGI TI  ONORA

cantà dalle Pie donne che a metà

della procesiun fean la culona sunora

subitu dopu la Madona

ga vignea ul Sindigu cun la fasa e ul Marescial in divisa

e un groeupu da genti visti da la festa

subitu dopu la Banda da l'Uratori cun i Bass e la grancassa

poeu ga vignea le Figlie di Maria

in do fil vuna da chi vuna da là da la straa

cul vel e un muculotu in man cun la Suora

in mesu a diì ul rusari cun la vus forta e ciara

e tuci rispundean cume una vus sula

sempar in fil al bordu da la straa

ga vignea i donn cul mocul in man e 'n mesu na Suora

cuma un can pastur la 'n dea inansi e indré in mesu a la straa

poeu i Asili e i Uratori maschil e feminil ma nu insema

poeu sensa Suor né can pastur la genti ca ucupea

tuta la straa

i omm con in brascia i fioeu pisciniti cume al funeral a ucupean tuta la straa

e tuci caminean su l petal butaa giò dinansi a la Madona

da genti a vidé ga nea poca

ul Paes l'ea dree a la prucesiun da la Madona