ul sidel dul Bragioeu

I  donn  incruscia  in mesu  a la  curti
a  girà ul  maagun   mitu  al  so   a  suga 
sui  telun  dul  car  gros
cui  genoeucc  ruinaa  dal sta  sui sass
un Regioeu  seta  a l'umbra
dul  porticu 'l  ciama  da bee
la  pusè  giuina la  va  a  toeughi  da bee
in cusina in dul  sidel dul Bragioeu
Prima  da incrusciasc  la  gira i  socc in mesu ai  gambi
pa fa  vidè  nienti
i  Turturei  sota  la  casina  parlan fra  lur
l'e  quasi  sira
fra  pocu  ga  ria i uperari  dul  laurà
bearann un po'  da Bragioeu e un  bucun da  pan e 'na  scigula
prima  da 'ndà a  la  vigna