ghe sta un tempun ca ghea diversi
mundi
ghea ul mundu agricul in dua sa
vivea
ul mundu industrial in espansiu
e diversi altar mundi ca cunuseo
nò
ul mundu di Libar
un mundu grandisim fa da genti ca
ma cuntea cusa ean vistu viagiandu
e alura te poeudei viagià sensa
moeues da cà
andà sui muntagn sui mar 'n di
furesti me te voeuri
o i mundi da fantasia
rumansi storii
poeu ghe vignù i ann 60-70
e ho scuprì i cansun
cansun dopu cansun ù fai la vera
scuperta
la Lucumutiva
'na cansun ca la cancelea tutt i
oltar maner da cuntà i stori
ca la cancelea ogni altra manera
da scrii
un spilungun grandi grandi cui
cavei lunghi e la barba
Guccini
ogni cansun lé 'na storia
'na storia ca la insegna sensa da
da vidé
na manera noeuva da scri sensa legg
da vidé sensa guardà
da sintì sensa scultà
un mundu so ca ta vivi anca ti
la musica pà daghi forsa ai parol
i parol pa crià i figur e i figur
pà fati vidé i sogn
sogn ca tuti gheum denn bastava
tirai foeura
un mundu belisim cun culur mai
visti
Nessun commento:
Posta un commento