ul me paes

                                                         

Se te dei vignì a Buscaa partis da Milan e va versu in dua tramunta 'l So. Fa Cursu Sempiun

vial Certusa, se te voeur scurtà la straa ciapa 'na Curiera, quella che te voeuri in di fermadi  propi lì 'n sul Vial cun diversi destinasiun : Ursa Magiur, via Latea, Mercurio....e posti pusè visin. Ma se te sé in bicicleta va dris, poeu la diventa v. Galarà, a Pero la diventa Strada Statale del Sempione, rivaa ai prim caa da Rho sta a sinistra e vag a drée a la feruvia su 'na straa ca la sta un po' da chi e un po' da là da la feruvia e te rivet a Arlun, va driss e te vegnet foeura a le Cave, va den a mangià un quecoss, e poeu te rivi a Usuna, paes cun tanti tesitur sarà su. 'n stradun largu ta porta a Invrun, quan te rivii ai Zazera, ( l'ea vigni chi 'n dul dopuguera a vendi i Limun, centu franch cinq limun, ades l'è un fiurista grusisim cun pianti fiur e Nimai ), gira destra e va : ul prim Paes a l'è Busca, un paes da pirla ma brava gent,  ga pias a fa i fest, ma genti sgalis, an di da nò a 'na discarica e in sta là 880 dì e 880 noci a curà un cancel, ma in sta bun da supurtà per 50 ann la DC.

Ma des l'è pegg.

Quan ghea nò la crisi l'ea un paes da cuncerii e 'na qui uficina, G'hea un mecanicu da mutur da cursa da Formula 2, e ogni tant la genti la bluchea  i straa par pruàa i machin 'n straa.

G'hea un Bar su la straa noeua cal fea da risturanti e albergu, a la duminiga da basura sa balea in dul stansun ca i ol di l'ea risturant, l'ea ul centru dul paes, g'hea ul biliardu e i sigareti.

Cunusu cuma ul paes di stechi, l'hea fai da un'area buscusa visin al Vilures su la straa ca ìn dea a Castan.

Ul Gamba de legn l'ea un mutur da svilùpu e in la stasiun su la curva da la Pina dul Cervu g'hea 'na fira da cavai a scarigà ul laurà ca vignia da Milan.

Prima da la cava g'hea un buscu cun un po' da pin mitù in fira e 'l ciamean la Pineta.
G'hea 'na bela Giesa can butà giò par fan voeuna noeua ca la par un magasin, l'Uratori al g'he poeu , an fa su un robu ca 'l par bel ma 'l funsiona nò. Un paes durmitori, sa ghe no i festi, parchè sa ghe i festi ga dormi nisun, un paes coeumun, ul me paes. L'è facil da truà : quan ca te rivi su la via Latea sta in mes, quan ca ta troi un So cun vot pianeti punta versu ul So fina a quan ca ul soo e'l scota ma no tropp quan ca pasa un pianeta salta su, te se rivaa.
In mesu a tutu g'he 'na Cità, la pusè bela : Milan.