me Nonu

                                             
Som nasù a Milan

ogni ann 'n deu a S.Giorgiu a truaa me Nonu

me mama la duea videe tuci i so parenti

me Nonu 'l fea 'l cavalanti

el ghea un Caval gross e un car gross e 'l purtea 'l carbun

el rivea a la sira stracu e nervus

magar e piscinin bafì lunghi e spurchi

'l sa lavea in mesu a la curti

poeu tucc in ca a mangià in d'una stansa granda cun i cadreghi spaia

lù a caputaula e i so fioeu

'na vintena

cumudàa su du taul danansi

a la duminiga g'hea patati e versi cun denn un salamin
'l salamin a lù patati e versi a noeun

Dopun mangià una dumeniga al ma dìi vegn insema a mi

som andàa a la vigna

ti ca te se da Milan

ta disu 'na roba a ti ca ta studi

ricordas la tera

e in man 'l ghea un pugn da tera

ricordas num vegnum da chi e chi tornum indree

turnàa a Milan vureu dighi al me amis Elio la parabula del Nonu

ma hu truaa no ul pugn da tera