Vignì giò vignì giò
el veousea 'l capucà da la curti
giò in bass
ma nun su la secunda ringhera
guardeum su in ciel
dua quater aerei gris vignean da
porta Volta e 'n dean versu Bress
di balunit sciupean in gir ai
quatar ca vulea
vigni giò vignì giò
sa sintia la vus
ma noeun cun i man tacà a la
ringhera
guardeum in ciel
intantu i balunit sa vervean in gir
ma fean nien
poeu
come 'na grandinaa
ghe riva giò un po' da schegi
'l capuca le burla giò cume 'na
mariuneta
in mesu a la curti
e la cuminciaa a perdi un po' da
sangui
su
i matunei da la curti
som curù da cursa in cantina
e ma som truaa tra 'na dona grasa
ca la sea da sudur
e 'l mur da cimentu c'al sea da
cantina
'n quel Utubar dul '43 ca man
bumbardaa la ca.
Nessun commento:
Posta un commento