castei da sabia

custruì
fa un  quicoss  duma  par  ti
quel  che  te  voeuri
'na  faturia
un mulin cul  punti 'n  su 'l turenti
un  presepi
ghè   genti  ca  scrii
ca le un modu  da  criaa
e  poeu  smanian par  publicaa
e  burlan  in man ai  trufadur
cunvinti da vè  scritu  di  robi  impurtanti troan giustu fal  saé
mi pensu inveci  che  scrii 
a  lé  cume  fa i  castei  da   sabia  in ria  'l  mar
scrii pa 'l  gustu  da  scrii  parola  su parola
di  robi  ca interesa  nisun
inutil
ca servisan  a nienti
ta piasan  duma  a ti
e  come i castei  da  sabia
sa podan  no purtà  in gir
daghi  nò  ai  amis
ghé 'l pericul  da perdi l amicisia