Mosè della cava

Ghé di ricordi che a ricordai sa capisan

cambian culur

ghé di ricordi ca sa capisan pusè dopu

ricordi pesanti o liger

ligaa a stori impurtanti o nu

ricordi svuia

ricordi da robi vignu dopu

ma i ricordi dul presidi ghen un oltar culur

i ricordi dul presidi ghen da la genti ul so culur

genti special ca dea un special culur

i fiamm dul bidun balean 'n duna certa manera

l'ea un foeugu pusé

anca la stua

'na burlera piscinina in un lucal grandi fai da lamera

in un lucal grandi 'n dua sa 'ndea in dul fregiu da la sira

in pù un oltar lucal in dua ghea

frigurifar machineta dul cafè telefun e dispensa

'na stua sula pà sculdà tuta la baraca

un furnelin grand me 'na foia da murun d'una putensa mai vista

al druean pa fa ul cafè ma anca per fa coeus la pasta

qui ca ghean no 'l san no la forsa da la gent

a ian tresentu quan ca sunea la sirena

quel ca fea movi la genti a l'ea anca

quel ca fea balà ul foeugu dul bidun e 'ndà forti la stua

la genti la ghea no i numar vun

ga cumandea nisun

sa gheum Mosé paseun anca nun in mesu al mar.