una tusa

Entrand  in del busch
la sera sgrafignada
e un cicin  de sang
cun el su el brilava

La g'aveva  la sutana
un po' smagiada
e un gulfin  de lana
culur  marmelada

I gamb senza calzett
cun la pell abrunzada
i pee  cun i calcagn
bianc  de bugada

Una burseta  de pell
tuta strasciada
i spall un  po' curv
la testa  dispetenada

Pasand in mes al busch
el su la smagiava
de ciar  de  scur  de giald
la culurava

In mes ai erb fra i brocc
la  caminava
sensa  giras indree
cun la testa   piegada

E dopu un po' sem rivà
la se fermada
a  ghemm  de fala in pee
ghè l'erba  bagnada

Quann go visti  i occ
l'è stà una masada
occ  frecc  a cativ
d'una disperada